اسلام آباد۔4ستمبر(اے پی پی):نگراں وزیرِ اعظم انوار الحق کاکڑ آکھیے جو حکومت بجلی چوراں دے خلاف تکڑا ایکشن ڳھنسی، بجلی دے ݙیوالے عناصر دے خلاف صوبیاں اتے قانون نافذ کرݨ آلے اداریاں نال رل تے فوری کاروائی شروع کیتی ونڄے اتے ایں سانڳے کوئی رعایت نا ورتی ونڄے، چھوٹے ہائیڈل منصوبیاں کیتے ماہرین دی رہنمائی نال منصوبے ݙتے ونڄن۔ اے ڳالھ انہاں اسلام آباد اچ بجلی دے شعبہ دے جائزہ اجلاس دی اڳواݨی کریندے آکھی۔ اجلاس اچ نگراں وفاقی وزیرِ بجلی محمد علی، مشیرِ وزیرِاعظم احد خان چیمہ اتے متعلقہ اعلیٰ حکام شرکت کیتی اتے نگراں وزیرِ اعظم انوار الحق کاکڑ کوں بجلی دے شعبے بارے امور ڄیویں بجلی دی مجموعی پیداواری صلاحیت، اصل پیداوار اتے مختلف موسماں اچ بجلی دی طلب اتے رسد دا ݙسایا ڳیا۔ وزیراعظم حکومت بجلی چوراں کوں کوئی رعایت نا ݙیوݨ، بجلی دے پیداواری منصوبیاں اچ قابل تجدید اتے ہائیڈل ذرائع کوں ترجیح ݙیوݨ دی ہدایتی کیتی جو تقسیم کار کمپنیاں دے نقصانات ڳھٹاوݨ کیتے کم کیتا ونڄے اتے ٹرانسفارمر میٹرنگ منصوبے سانڳے جامع لائحہ عمل ݙتا ونڄے۔ وزیراعظم کوئلے نال بجلی دے منصوبیاں اچ مہانگے آمدی کوئلے دی بجائے مقامی کوئلے کوں اڳونہا کرݨ، 2400 میگاواٹ دے شمسی توانائی منصوبیان تے تیکھے کم شروع کرݨ تے زور ݙتے جو حکومت بجلی دے شعبے دا گردشی قرضہ ڳھٹاوݨ کیتے ہر ممکن اقدامات کریسی۔
.jpg)
