اسلام آباد۔18ستمبر(اے پی پی)صدر مملکت ڈاکٹر عارف علوی مرکزی نظامت برائے قومی بچت ولوں شرح ِمنافع اچ اڳین دی نسبت کمی بدانتظامی قرار ݙیندے وفاقی محتسب دے فیصلے دے خلاف خاتون شہری دی درخواست منظور کر ڳھدی۔ صدر مملکت قومی بچت کوں اسپیشل سیونگ سرٹیفکیٹس تے خریداری ویلھے دی شرح منافع دے حساب نال منافع فیوݨ دی حکم ݙیندے آکھیے جو قومی بچت منافع دی شرح اچ کمی کر تے بدانتظامی ݙکھائی اے، صرف پارلیمنٹ/ قانون ساز ادارے قانون کوں منظور تھیوݨ توں پہلے دی تاریخ توں نافز کر سڳدن، قانون دے برعکس منافع دی شرح اچ نظرثانی نال شہری کوں 53 لکھ روپے دا نقصان تھئے، شہری سرٹیفکیٹ اجراء ویلھے دی شرح منافع دے مطابق منافع دی حقدار اے۔ صدر مملکت آکھیا جو شرح ِمنافع اچ تبدیلی دا اطلاق نوٹیفکیشن توں پہلے سرمایہ کاری تے نئیں تھیندا، جاری کردہ نوٹیفکیشن ماتحت یا تفویض شدہ قانون سازی اچ ہوندے۔
.jpg)
