اسلام آباد ۔ 22 نومبر (اے پی پی) وفاقی وزیر جہاز رانی تے بندرگاہیں سینیٹر میر حاصل خان برنجو آکھیا ہے جو جنرل راحیل شریف دا بطور کمانڈ رپاکستانی فوج دہشت گردی کوں مکاونڑ سانگے کردار تعریف دے قابل ہے ،وزیر اعظم ہونڑ، آرمی چیف یا چیف جسٹس آف پاکستان ہونڑ ساریاں کوں اپنڑے عہدیاں دی آئینی مدت پوری کرنڑ چاہیدی ہے ایندے نال ادارے مضبوط تھیسن۔ منگل کوں پارلیمنٹ ہاﺅس دے باہر میڈیا نال گالھ مہاڑ کریندے ہوئیں وفاقی وزیر میر حاصل خان برنجو آکھیا جوآرمی چیف ولوں ملازمت وچ توسیع نہ گھنڑ دافیصلہ خوش آئند اتے چنگا ہے، اساں سمجھدوں وزیر اعظم ، آرمی چیف ، چیف جسٹس ساریاں کوں اپنڑی آئینی مدت پوری کرنڑ چاہیدی ہے۔ انہاں آکھیا وج ایجھے عمل نال ادارے مضبوط تھیسن اتے ملک وچ انتشار اتے بد امنی مکسی اتے ملک ترقی کریسی ۔ انہاں آکھیا جو آپریشن ضرب عضب ہک اہم فیصلہ ہا جیرھا جو جنرل راحیل شروع کیتا،گو حکومت دا کردار سبھ توں ودھ رہیا پر بطور کمانڈر افواج پاکستان جنرل راحیل شریف دی دہشت گردی کوں مکاونڑ سانگے کوششاں تعریف دے قابل ہن۔
.jpg)
