اسلام آباد۔21دسمبر(اے پی پی)وفاقی وزیر نجکاری، سرمایہ کاری بورڈ و مواصلات عبدالعلیم خان آکھیے جو یورپ کیتے پی آئی اے دیاں پروازاں شروع تھیوݨ خوش آئند اے، اے فلائٹ آپریشن ادارے دی نجکاری کیتے اہم ثابت تھیسی، تیکھے پی آئی اے کوں برطا??یہ اتے امریکہ اچ وی آپریشنل کرݨ دی خوشخبری ݙیسوں۔ پی آئی اے دی نجکاری دے معاملے تے الیندے انہاں آکھیا جو ہݨ لوکاں کوں یقین تھی ڳئے جو او یورپ کیتے پی آئی اے اچ سفر کر سسڳسن، پی آئی اے دی نجکاری اچ مختلف مسائل دور تھی چکین، ہݨ معاملات تیزی نال ٹرسن، پی آئی اے ویچݨ کیتے آئی ایم ایف ݙو اہم معاملے من??ور کر ڳھد??، نویں جہاز ڳھنݨ تے 18 فیصد سیلز ٹیکس ختم کر ݙتا گئے، پی آئی اے دے سارے نقصانات کوں ہولڈنگ کمپنی اچ من??قل کریسوں، پاکستان انٹرنیشنل ائیر لائنز کوں کہیں پراݨی واجب الادا رقم دے بغیر ویچیا ویسی۔ انہاں آکھیا جو اصلاحات د?? بعد ”انویسٹرز ” کیتے پی آئی اے دی خریداری ودھ پرکشش تھی ویسی، پی آئی اے دی پرائیویٹائزیشن کیتے امور تیزی نال نمٹائے ویندے پن، تیکھے چنڳی خبر ملسی۔
