اسلام آباد ۔ 14 ستمبر (اے پی پی) وزیر اعظم دی معاون خصوصی اطلاعات و نشریات ڈاکٹر فردو?? عاشق اعوان آکھیے جو وزیراعظم عمران خان دے ویژن کوں عملی شکل ڈیونڑ کیتے سارے ادارے کم کریندے پین،ماضی دے قوانین اچ کمیاں دور ??رن??تے کم تھیندا پئے،عوام کوں سستا اتے فوری انصاف ڈیونڑ وزیراعظم عمران خان دا ویژن اے،ملک دے اجوکے فرسودہ نظام اتے قوانین اچ تبدیلی وزیراعظم عمران خان دی سوچ اتے عوامی امنگاں دے مطابق اے،اپوزیشن دے رویے نال کشمیر کاز کوں نقصان پجدا پئے،اج کشمیر پورے پاکستان کوں ڈیہدے کھڑن۔اے گالھ انہاں اسلام آباد اچ وفاقی وزیر قانون فروغ نسیم دے رلے ہک پریس کانفرنس اچ آکھی۔انہاں آکھیا جو جمہوریت اتے معاشرہ اپوزیشن دے کردار دے بغیر مکمل نئیں تھیندا بھل اپوزیشن دے رویے نال کشمیر کاز کوں نقصان پجدا پئے،جیہڑاپاکستانی بیانی?? دی نفی کریسی اوسیاسی اسمان توں مٹ ویسی،اج کشمیری کہیں ہک جماعت نئیں پورے پاکستان دو دید رکھی کھڑن، وزیراعظم عمران خان بھارت دا اصل چہرہ پوری دنیا اچ بے نقاب کریندے پین،اپوزیشن وزیراعظم دی کاوشاں اچ اپنڑا مثبت کردار ادا کرے۔
