اسلام آباد۔10اگست(اے پی پی) پاکستان مسلم لیگ (ن) دی ترجمان اتے سابق وفاقی وزیر اطلاعات مریم اورنگزیب آکھیے پیمرا ترمیمی ٻل 2023 کہیں دٻاؤ یا عجلت اچ نی بݨیا ، ٻل تے 12 مہینے مشاورت تھئی ، اڄ پیمرا (ترمیمی) ٻل حقیقت بݨ چکے ، ورکنگ جرنلسٹس کوں قانونی تحفظ مل چکیے ۔ سارے سٹیک ہولڈرز اظہار رائے تے قدغن دے حوالے نال ڈیفی نیشن بݨائی، میڈیا ورکرز اتے ??حا??یاں دیاں تنخواہواں، گھٹ توں گھٹ اجرت کوں حکومتی بزنس نال جوڑیا، تنقید کوں ہمیشہ وݙے دل نال برداشت کیتے، مسجد نبوی اتے لندن اچ بدتمیزی دے واقعات ساریں دے سامݨے ہن ۔ اے ڳالھ انہاں نیشنل پریس کلب اچ استقبالیہ تقریب توں خطاب کریندے ہوئیں آکھی اے ۔ سابق وفاقی وزیر اطلاعات آکھیے پیمرا (ترمیمی) ٻل 2023ءدی تیاری اچ پی آر اے، سی پی این ای، پی بی ای، پی ایف یو جے، ایمنڈ سودھے سارے سٹیک ہولڈرز رہنمائی کیتی، اظہار رائے تے قدغن دے حوالے نال سارے سٹیک ہولڈرز ڈیفی نیشن بݨائی، 12 مہینے ٻل تے مشورہ کیتا ڳئے ۔ میڈیا ورکرز اتے ??حا??یاں دی تنخواہواں اتے گھٹ توں گھٹ اجرت کوں حکومتی بزنس نال جوڑیا ڳئے ، اے سفر 12 مہینے تسلسل نال جاری رہیا۔ مریم اورنگزیب آکھیے قومی اسمبلی اچ جݙاں پہلی واری پیمرا (ترمیمی) ٻل پیش تھیا تاں بغیر پڑھیے ایندیاں دھجیاں اݙائیاں ڳئن ۔ پیمرا چیئرمین دی مدت اتے توسیع بارے اعتراض کیتا ڳیا ، ایں حوالے نال پیمرا ترمیمی ٻل اچ شق موجود اے۔ انہاں آکھیے قومی اسمبلی دی قائمہ کمیٹی اچ ٻل تے شق وار بحث تھئی ، اتھاں منظور تھی تے اے ٻل سینیٹ اچ ڳیا ول سینیٹ دی قائمہ کمیٹی اچ وی پیش تھیا ، اتھاں پی آر اے توں علاوہ او لوک موجود کائناں ہن جنہاں ایں ٻل تے مشاورت کیتی ہئی ۔ انہاں آکھیے سینیٹ دی قائمہ کمیٹی اچ ٻل دی تیار اچ شامل سارے سٹیک ہولڈرز آ تے ایں ٻل دی حمایت کیتی لیکن ٻل تے اعتراض چاتے ڳئے ۔ انہاں آکھیے ٻل منظوری دے مرحلے اچ ہے ، جے کوئی بہتری گھن آئی ونڄ سڳدی اے تاں اساں کریسوں اے تاثر غلط اے جو اے قانون عجلت اچ تیار کیتا ڳئے ۔ سابق وفاقی وزیر آکھیے سینیٹ دی قائمہ کمیٹی اچ الزام لاتا ڳئے جو میڈیا دی آواز بند کیتی ویندی پئی اے ، ??حا??ت تے قدغن لاتی ویندی پئی اے ایں تے میں ٻل واپس گھنݨ دا فیصلہ کیتا ، میں آکھیے جے کوئی ڳالھ وی آندی پئی اے تاں ایں ٻل نال ??حا??ت تے قدغن لڳدی پئی اے تاں میں آپݨی جماعت، اپݨی اتحادی حکومت تے اے داغ کݙاہیں نہ لڳݨ ݙیساں ایں تے میں ٻل واپس ڳھدا ۔ جݙاں میں ٻل واپس ڳھدا تاں ساریاں ??حا??تی تنظیماں دے نمائندگان وزیراعظم نال ملاقات کیتی، وزیراعظم میکوں آکھیے کہیں میڈیا ورکر اتے ??حا??ی کوں احتجاج کرݨ دی نوبت نہ آوے ، تساں ٻل ول پیش کرو ۔ مریم نواز میکوں ٹیلیفون کر تے آکھیے ایں مسئلے کوں حل کرو ۔ انہاں آکھیے میڈیا ورکرز اتحاد دا مظاہرہ کیتے، انہاں دی ساری زندگی دی جدوجہد ھک پاسے تے ترائے ݙینھ دی جدوجہد ھک پاسے ہے ۔ سابق وفاقی وزیر آکھیے پی آر اے سودھے سارے ??حا??ی سیسہ پلائی دیوار وانڳوں ھک مٹھ تھی تے کھڑے رہے ، پی آر اے، آر آئی یو جے، سی پی این ای، میڈیا ورکرز، کیمرہ مین ایسوسی ایشنز سارے ورکنگ جرنلسٹس ہن، انہاں ساریں دا شکریہ ادا کریندی ہاں انہاں میݙا ساتھ ݙتا ، اپݨی انڈسٹری تے آپݨے ورکرز دا ساتھ ݙتا، ساریں پیمرا ٻل کوں آپݨا سمجھ تے آواز چاتی ۔ انہاں آکھیے اڄ پیمرا (ترمیمی) ٻل 2023 حقیقت بݨ چکے اڄ اساں ساریں کیتے فخر دی ڳالھ اے جو ورکنگ جرنلسٹس کوں قانونی تحفظ مل چکے ، ایں قانون دے بݨݨ دی جیویں تساں حفاظت کیتی ایویں ایں تے عمل درآمد کیتے وی ھک مٹھ رہݨا ??اہیدے ۔
