اسلام آباد۔10ستمبر (اے پی پی) سپیکر قومی اسمبلی سردار ایاز صادق آئی جی اسلام آباد کوں قانونی طریقہ کار دے مطابق گرفتار ارکان قومی اسمبلی کوں پارلیمنٹ اچ پیش کرݨ دا حکم ݙیندیں ہوئیں ہدایت کیتی جو سارے گرفتار اراکیننال مہذب برتاؤ اتے بہترین سہولتاں ݙتی ونجن۔ گزریل ݙینھ دے واقعے دی پوری تحقیقات کرائی ویسن۔ اے ڳالھیں انہاں منگل کوں پارلیمانی جماعتاں دے رہنماواں اتے اراکین نال آپݨے چیمبر اچ ملاقات اچ آکھی۔ ایں موقع تے اراکین پارلیمنٹ اراکین قومی اسمبلی دی پارلیمنٹ ت??ں گرفتاریاں بارے ڳآلھ کیتی اتے سپیکر کوں آکھیا جو ایں واقعے تے سخت ایکشن ??ھد?? ونڄے۔ سپیکر قومی اسمبلی سردار ایاز صادق معاملے کوں سارے جماعتاں نال رَل تے حل کرݨ دا عزم کیتا۔ ایں موقع تے ساری جماعتاں ایجھے معاملیاں نال نبڑݨ کیتے ہک جامع ضابطہ کار ٻماوݨ تے وی اتفاق کیتا۔ سپیکر آکھیا جو کل دے واقعے تے ٻہوں ݙکھ اے۔ پارلیمنٹ دے سارے ارکان میݙے کیتے قابل احترام ہن۔ پارلیمنٹ دے وقار تے کوئی سمجھوتہ کائنا تھیسی۔ سپیکر قومی اسمبلی آئی جی اسلام آباد کوں آپݨے چیمبر اچ سݙ تے واقعے بارے معلومات ڳھدی اتے آئی جی کوں ہدایت کیتی جو قانونی طریقہ کار دے مطابق سارے گرفتار ارکان کوں پارلیمنٹ اچ پیش کیتا ونڄے۔ سپیکر نال ملاقات کرݨ آلیاں اچ وفاقی وزراء اعظم نذیر تارڑ، عبدالعلیم خان، وزیراعظم دے مشیر رانا ثناء اﷲ، ارکان قومی اسمبلی سید خورش??د احمد شاہ، سید نوید قمر، طارق فضل چوہدری، نور عالم خان، شاندانہ گلزار، خالد حسین مگسی، وزیر مذہبی امور چوہدری سالک حسین، س??د امین الحق، امجد علی خان، شاہدہ اختر علی، علی محمد خان، سنی اتحاد کونسل دے سربراہ صاحبزادہ حامد رضا اتے ٻئے شامل ہن۔
