اسلام آباد۔11اگست (اے پی پی):وفاقی وزیر اطلاعات و نشریات مریم اورنگزیب آکھیے جو وزیراعظم 14 اگست کوں مکمل ری ریکارڈڈ قومی ترانے دا آغاز کریسن، پاکستان دی 75 ویں سالگرہ تے سارے پاکستانی پرجوش ہن اساں آپ??ے قومی ہیروز ، قومی ثقافت تے قومی ورثہ کوں اجاگر کریسوں ، وزارت اطلاعات دے زیر اہتمام پاکستان دی سالگرہ قومی جذبے نال منائی ویندی پئی ا?? ، ??ے ڳالھ انہاں خمیس کوں اتھاں ڈائریکٹوریٹ آف الیکٹرانک میڈیا اینڈ پبلی کیشنز دے زیر اہتمام ڈیجیٹل فوٹو گرافی نمائش دی افتتاحی تقریب توں خطاب کریندے ہوئیں آکھی اے ۔ وفاقی وزیر اطلاعات آکھیے جو وزیراعظم دی ہدایت ت?? وزارت اطلاعات دے زیر اہتمام مختلف تقریبات دا شیڈول ترتیب ݙتا ڳئ?? ، ??ڄوکے سال 75 ویں سالگرہ دے موقع تے قومی ترانے دی ری ریکارڈنگ مکمل کیتی ڳئی اے جیں دا پرومو اڄ جاری کرݙتا ویسی ۔ انہاں آکھیے 1954ء اچ قومی ترانہ پہلی واری ریکارڈ تھیا ہئی ، ایں توں بعد ایندے وچ جدت گھن آئی ویندی پئی اے ۔ انہاں آکھیے ری ریکارڈڈ قومی ترانہ پاکستان دے طول و ارض توں آرٹسٹاں رل تے ڳائے ۔ انہاں ݙسایا جو قومی ترانے دی ریکارڈنگ دا کم 2017ء اچ شروع تھیا ہئی ، پچھلی حکومت اچ وی ایندے تے کم جاری رہیا ، گزریل چار مہینے توں ایندے تے کم کریندے پئے ہاس?? ، ??ے ھک ایہو جیہا منصوبہ اے جیں تے اساں ساریں کوں فخر اے ، وفاقی وزیر اطلاعات آکھیے جو وزیراعظم 14 اگست کوں ری ریکارڈڈ قومی ترانہ قومی پرچم کشائی دی تقریب اچ لانچ کریسن ۔ انہاں آکھیے پاکستان دی 60 فیصد آبادی 30 سال توں گھٹ عمر نینگراں تے مشتمل اے، ایں واری پاکستان دی 75 ویں سالگرہ مناوݨ اچ نینگراں سودھا ہر پاکستانی پرجوش اے۔ کافی ٹیبل بک دی ڈیجیٹل لانچ دے حوالے نال گالھ کریندے ہوئیں وفاقی وزیر اطلاعات ݙسایا جو کافی ٹیبل بک اچ پاکستان دی ثقافت کوں اجاگر کیتا ڳئے ، کوئی وی بندہ کافی ٹیبل بک کوں آپݨے موبائل تے ڈائون لوڈ کر تے ݙیکھ سڳدے ۔ انہاں آکھیے جو کافی ٹیبل بک کوں کیو آر کوڈ نال لنک کیتا ڳئے ، موبائل فون دے ذریعے کیو آر کوڈ سکین کرتے کافی ٹیبل بک کوں ݙٹھا ونڄ سڳدے ۔ مریم اورنگزیب آکھیے جو پاکستان دی پچہترویں سالگرہ تے اساں آپ??ے قومی ہیروز ، قومی ثقافت اتے قومی ورثہ کوں اجاگر کریسوں ، انہاں عوام کوں اپیل کیتی اے جو او انہاں ݙینھاں پاکستان ٹیلی ویژن ضرور ݙیکھن ، قومی چینل تے ”پاکستان کہانی” دے ناں توں مختلف سیریز پیش کیتیاں ویندیاں پئن ، انہاں سیریز اچ ملکی تاریخ کوں بیان کیتا ڳئے ۔ انہاں آکھیے جو ریڈیو پاکستان تے پی ٹی وی تے اے ساری اسٹوریز ٻالاں تے نینگراں کیتے پیش کیتیاں ویندیاں پئن جنہاں اچ قیام پاکستان کیتے ݙتی ونڄݨ آلی قربانیاں دا ذکر اے۔ انہاں آکھیے پاکستان دی 75 ویں سالگرہ دے حوالے نال روزانہ دی سرگرمیاں پی ٹی وی تے ٹیلی کاسٹ کیتیاں ویندیاں پئن ، 75 سالہ تقریبات اچ پاکستان دے اندر ٹیکنالوجی، ماس ٹرانزٹ، کنیکٹیویٹی، پاکستان ھک ایٹمی قوت، دے حوالے نال ساریاں چیزاں کوں اجاگر کیتا ویندا پئ?? ، ??نہاں آکھیے جو پاکستان دی 75 سالہ تقریبات دے حوالے نال سوشل میڈیا تے وی مہم جاری اے ۔ انہاں آکھیے جو ملکی ترقی کیتے اساں ہر روز انہاں سرگرمیاں کوں اجاگر کریندے پیوں ۔ وفاقی وزیر اطلاعات ڈیجیٹل تصویری نمائش دے انعقاد تے ڈائریکٹوریٹ آف الیکٹرانک میڈیا اینڈ پبلی کیشنز کوں مبارخ پیش کیتی ۔ واضح رہے جو نمائش دا انعقاد ڈائریکٹوریٹ آف الیکٹرانک میڈیا اینڈ پبلی کیشنز دی طرفوں کیتا ڳیا ہئی۔ وفاقی وزیر اطلاعات مریم اورنگزیب سودھ?? وزارت اطلاعات دے اعلیٰ حکام وی تقریب اچ موجود ہن جنہاں ڈیجیٹل تصویری نمائش دا جائزہ ڳھدا ۔ ایں موقع تے وفاقی وزیر اطلاعات کافی ٹیبل بک دا وی افتتاح کیتا۔ تقریب اچ پاکستان دی آزادی دے حوالے نال دستاویزی فلم وی ݙکھائی ڳئی۔
