اسلام آباد۔9اگست(اے پی پی) دفتر خارجہ دی ترجمان ممتاز زہرہ بلوچ آکھیے نائب وزیراعظم تے وزیر خارجہ سینیٹر محمد اسحاق ڈار اسلامی تعاون ت??ظیم (او آئی سی) دی ایگزیکٹو کمیٹی دے غیر معمولی اجلاس اچ شرکت سانڳے سعودی عرب دا دورہ کیتے، اے اجلاس فلسطین اتے ایران دی درخواست تے فلسطین اتے ٻیاں علاقائی ریاستاں دے خلاف جاری اسرائیلی جارحیت تے ڳالھ مہاڑ سانڳے سݙیا ڳیا ہئی ۔ ترجمان پریس بریفنگ اچ آکھیے اجلاس اچ نائب وزیراعظم آپݨے بیان اچ غیر قانونی اتے وحشیانہ قبضے دے خلاف فلسطینیاں دی جدوجہد سانڳے پاکستان دی پراݨی حمایت دا اعادہ کیتے، انہاں حماس دے سیاسی بیورو دے سربراہ دے ماورائے عدالت قتل دے بعد فلسطین اتے ایران دے عوام نال یکجہتی دا اظہار وی کیتے ۔ ترجمان آکھیے اجلاس اچ نائب وزیر اعظم اسرائیلی بربریت اتے جنگ کوں بھڑکاوݨ سودھے ایندے اقدامات دی شدید مذمت کیتی جیں پہلے توں ہی نازک اتے عدم استحکام دا شکار مشرق وسطیٰ کوں ناقابل تلافی ضیان پڄائے ۔ جݙاں جو انہاں خطے اچ کشیدگی اتے تشدد مزید ودھݨ توں روکݨ تے تے وی زور ݙتا ۔ دفتر خارجہ دی ترجمان آکھیے نائب وزیر اعظم غزہ اچ فلسطینیاں سانڳے انسانی امداد ودھاوݨ تے زور ݙتا تے غزہ تئیں رسد دے سارے رستے کھولݨ تے اقوام متحدہ اتے سارے بین الاقوامی ایجنسیاں بشمول یو این آر ڈبلیو اے کوں غزہ اچ مکمل طور تے کم دی اجازت ݙیوݨ دا مطالبہ کیتے ، نائب وزیراعظم ھک بین الاقوامی عدالتی میکانزم بݨاوݨ دی لوڑھ تے زور ݙتا جیڑھا اسرائیل توں انسانیت دے خلاف جرم، جنگی جرم اتے غزہ اچ نسل کشیسانڳے ”معاوضہ، ہرجاݨے اتے اطمینان“ گھنے تے انہاں دے جرم دے ذمہ واراں توں ولدا گھنے ۔ ترجمان مزید آکھیے یوم آسیان دے موقع تے نائب وزیراعظم سینیٹر محمد اسحاق ڈار آسیان دے رکن ملک دیاں حکومتاں تے عوام کوں پاکستان دی طرفوں مبارخ ݙتی تے آسیان نال پاکستان دی سانجھے داری دا اعادہ کیتے۔ ترجمان آکھیے آسیان نال پاکستان دے تعلقات سانجھے احترام، عدم مداخلت اتے تعمیری مشغولیت دے اصولاں سانڳے سانجھے عزم تے قائم ہن
