اسلام آباد۔8فروری(اے پی پی) الیکشن کمیشن آف پاکستان (ای سی پی) دے ترجمان ہارون شنواری آکھیے جو پورے ملک اچ سخت حفاظتی اقدامات دے نال عام انتخابات سانڳے ووٹنگ دا عمل بلا تعطل تے پرامن طریقے نال جاری اے۔ نجی ٹی وی چینل نال ڳالھ مہاڑ کریندے ہوئیں انہاں آکھیے حالی تئیں تشدد اتے دھاندلی دا کوئی واقعہ رپورٹ نی تھیا ، انتخابی عمل دے پرامن انعقاد سانڳے سخت سکیورٹی یقینی بݨاوݨ سانڳے سارے وسائل بروئے کار گھن آئے ویندے پئن۔انہاں آکھیے وݙی تعداد اچ لوک آپݨے ووٹ کاسٹ کرݨ سانڳے آپݨے متعلقہ پولنگ سٹیشن دا دورہ کریندے پئن ۔ انہاں مزید آکھیے جو پولنگ سٹیشناں تے عوام دا ٹرن آؤٹ تسلی بخش اے۔الیکشن کمیشن آف پاکستان شکایتاں درج کرم سانڳے ھک ہیلپ لائن بݨائی اے، عوام ہیلپ لائن 051-111327000 تے کال کرتے ??تھ??ں 24 گھنٹے اپݨی شکایتاں درج کراسڳدن ۔ انہاں آکھیے ووٹرز 8300 تے ایس ایم ایس دے ذریعے شناختی کارڈ نمبر بھیڄ تے ووٹ اتے پولنگ سٹیشن دی تفصیل گھن سڳد ں۔ انہاں مزید آکھیے الیکشن کمیشن چارے صوبیں اچ 90 ہزار 6 سو75پولنگ سٹیشن بݨائن ۔انہاں آکھیے اڄ عام چھٹی اے تاں جو ووٹرز کوں پریشانی توں پاک ماحول اچ آپݨا ووٹ دا حق استعمال کرݨ اچ سوکھ ہووے ۔
