اسلام آباد۔20مئی (اے پی پی):وزیراعظم عمران خان آکھیے جو راوی سٹی اتے سینٹرل بزنس ڈسٹرکٹ نال ملک اچ معاشی سرگرمیاں ودھ ویسن ، روزگار دے موقع پیدا تھیسن تے شہریاں کوں بین الاقوامی معیار دیاں رہائشی سہولتاں میسر آسن ۔اے ڳالھ انہاں خمیس کوں راوی اربن ڈیلپمنٹ اتھارٹی اتے سینٹرل بزنس ڈسٹرکٹ دے جائزہ اجلاس دی صدارت کریندے ہوئیں آکھی اے ۔ اجلاس اچ وفاقی وزیر ریلوے اعظم خان سواتی، وزیرِ مملکت اطلاعات و نشریات فرخ حبیب، وزیراعظم دے معاونِ خصوصی ڈاکٹر شہباز گِل، چیئرمین نیا پاکستان ہاؤسنگ اتھارٹی لیفٹیننٹ جنرل (ر) انور علی حیدر، وائس چیئرمین ایل ڈی اے شیخ محمد عمران اتے متعلقہ اعلی افسران شرکت کیتی جݙاں وج وفاقی وزیرِ خزانہ شوکت فیاض ترین، مشیر وزیرِ اعلیٰ پنجاب ڈاکٹر سلمان شاہ، معاونِ خصوصی وزیرِ اعلیٰ پنجاب ڈاکٹر فردوس عاشق اعوان، چیف سیکریٹری پنجاب جواد رفیق ملک، بابر حیات تارڑ ممبر بورڈ آف ریونیو، سی ای او راوی اربن ڈویلپمنٹ اتھارٹی عمران امین، چیئرمین سینٹرل بزنس ڈسٹرکٹ عرفان الہی اتے ٻئے افسران وڈیو لنک دے ذریعے شرکت کیتی۔ اجلاس کوں راوی سٹی دے تحت سیفائر-بے منصوبے تے پیش رفت بارے تفصیلی طور تے ݙسایا ڳیا ۔ اجلاس کوں ݙسایا ڳیا جو ݙو ہزار ایکٹر تے محیط ایں منصوبے توں حکومت کوں وصول تھیوݨ آلے محصولات و آمدن دا تخمیہ 25 ارب روپے لاتا ڳئے ۔ایندے علاوہ منصوبہ مجموعی طور تے 150 ارب روپے دی معاشی سرگرمیاں کوں جنم ݙیسی۔ راوی سٹی دے مزید ݙو ذیلی منصوبے جیں اچ زون 4،5،7 اتے ایلبی-جزیرہ شامل ہن وختی سرمایہ کاری کیتے میسر ہوسن ۔ جیں توں حکومت کوں ملݨ آلے محصولات و آمدن دا تخمینہ مجموعی طور تے 130 ارب روپے لاتا ڳئے اتے اے رل تے 750 توں 900 ارب روپے دی معاشی سرگرمیاں دا مؤجب بݨسن ۔
