ملک دے آئین اچ جو وی ضروری ترامیم ہووے کیتی ونج سگدی اے ،پاکستان دا قانون اتنا چنگاںاسلام آباد۔ 04مئی(اے پی پی) صدر مملکت ڈاکٹر عارف علوی آکھیے جو ملک دے آئین اچ جو وی ضروری ترامیم ہووے کیتی ونج سگدی اے ،پاکستان دا قانون اتنا چنگاں اے جیکر ایندے تے عمل تھینداتاں ایندے اچ ترمیم دی کوئی وی لوڑھ نہ پوندی،پاکستان دا قانو ن اتے ا ٓئین بہترین اے،ایندے تے عملدرآمد سانگے ہر کہیں کوں کردار ادا کرنڑ دی لوڑھ اے۔اے گالھ صدر مملکت ڈاکٹر عارف علوی انسانی حقوق کمیشن دی صحت بارے رپورٹ دے اجراءنال خطاب اچ آکھی۔انہاں آکھیے جو سماجی کم اتے لوکاں دی فلاح بہبود تے ودھ توجہ ڈیونڑی چاہیدی اے تاں جو معاشرے اچ سدھار گن آیا ونج سگے،خدا خوفی او وجہ اے جینےدے پاروں لوک جگ اچ چنگے یا برے کم کریندن کیوں جو او جانڑدن جو ایندا قیامت دے ڈینہہ جواب ڈیونڑے،ملکی آئین اتے قانون تے عملدرآمد کیتے متعلقہ اداریاں دی صلاحیت ودھاونڑ دی لوڑھ اے،پولیس ، پراسیکیوشن سودھے بئے اداریاں دی کارکردگی ودھاونڑی چاہیدی اے،معاشرے دی ترقی کیتے شعبہ صحت تے توجہ بہوں ضروری اے،قوم دہشتگردی دے خلاف جنگ اتے بھارت نال کشیدگی دے ویلھے اچ بہون کجھ سیکھئے اتے بہوں ودھ صبر اتے یکجہتی دا مظاہرہ کیتے۔ ایں پر امن رویے نال پاکستانی قوم دی عالمی برادری اچ درست عکاسی تھئی اے۔
