پاکستان اتے قطر اوکھے ویلھے ہک ڈوجھے دے رلے تھئن ، قطر دے سرمایہ کار پاکستان اچ سرمایہ کاری دے موقع توں فائدہ چا سگدن، چیئرمین سینیٹ
اسلام آباد ۔ 31 اگست (اے پی پی) چیئرمین سینیٹ محمد صادق سنجرانی آکھیے جو قطر نال دوستانہ تعلقات کوں اہم سمجھدوں ،ڈوہیں ملک اوکھے ویلھے ہک ڈوجھے دے رلے تھئن ، کورونا وائرس دی وبا پاروں عالمی و علاقائی سطح تے غیر معمولی صورتحال پیدا تھی گی اے ، حکومت وائرس تے قابو پاونڑ کیتے ہر ممکن کوشش کریندی پئی اے ، عالمی وعلاقائی سطح تے پارلیماناں تے موجودہ صورتحال اچ باری ذمے واری لگدی اے ۔سنوار کوں سینیٹ سیکرٹریٹ ولوں اے گال انہاں سنوار کوں قطر دے سفیر شیخ سعود بن عبدالرحمٰن الثانی نال ملاقات کریندے ہوئیں آکھی اے ۔ملاقات اچ اہم امور، کورونا وائرس پاروں پیدا شدہ صورتحال، علاقائی و عالمی صورتحال، ادارہ جاتی تعاون تے گال مہاڑ تھئی ۔چیئرمین سینیٹ آکھیا جو قطر دے نال دوستانہ تعلقات کوں اہم سمجھدوں ۔انہاں آکھیے جو وبا دے خلاف عالمی سطح تے کوششاں کرنڑ دی لوڑھ اے ،حکومت وبا تے قابو پاونڑ کیتے ہر ممکن کوشش کریندی پئی اے ۔سانجھا لائحہ عمل طے کرنڑ دا ویلھا آگے ،عالمی معیشتاں تے وی وبا دے منفی اثرات تھئن ،معاشی سرگرمیاں کوں جاری رکھنڑ کیتے لائحہ عمل طے کرنڑ دی لوڑھ اے ۔
.jpg)
.jpg)
