اسلام آباد۔21ستمبر(اے پی پی):وفاقی وزیر نجکاری فواد حسن فواد آکھیے جو پروپیگنڈا کیتا ویندا پئے جو نجکاری دا عمل موجودہ نگراں حکومت شروع کیتے جیڑھا درست کائنی ۔ وفاقی وزیر اطلاعات و نشریات مرتضیٰ سولنگی دے رلے پریس کانفرنس توں خطاب کریندے ہوئیں انہاں آکھیے جو آکھیا ویندا پئے جو نجکاری دے حوالے نال اے حکومت ایجھا اختیار استعمال کرݨ ویندی پئی اے جیں دی قانون اجازت نی ݙیندا ،پچھلی حکومت ھک ترمیم دی سیکشن 230 دے سیکشن ون اتے ٹو دے بعد جیں اچ نگران حکومت دے مینڈیٹ کوں وسیع کیتا ڳئے جو ایں ویلھے اے ڳالھ اتنی تفصیل نال ڈیبیٹ کر ڳھدی ڳئی اے ایندے اچ مزید کوئی غلط فہمی دی گنجائش نہ ہئی ۔انہاں آکھیے ایں پراسس کوں جاری رکھݨ کیتے آکھیا ڳئے جو ایندے اچ جیڑھیاں چیزاں تکمیل تئیں پڄݨ آلیاں ہن او پڄسن ،ھک ڳالھ کلیئر تھیوݨی چاہیدی اے جو نجکاری دے ہر مرحلے کیتے ٹائم لائن اے جیڑھا کوئی چھوڑ نی سڳدا ،اے ڳالھیں کیتیاں ڳئن جو میکوں ٹاسک ݙتا ڳئے ج?? پی آئی اے کوں ترائے مہینے د?? اندر بند کرݙیو ،جئیں ݙینھ میں چارج سنبھالیے حالت اے ہئی جو جون توں پی آئی اے کجھ لون گھنݨ دی کوشش کریندی پئی ہئی تے میݙے آفس اچ آوݨ دے پہلے ݙینھ آکھیا ڳیا ہئی جے پیسے نہ ملیے تاں ساݙے جہاز کھڑے تھیوݨ شروع تھی ویسن ۔فواد حسن فواد آکھیے جیڑھا کم جون توں ہݨ تئیں نی تھی سڳیا او کم اساں 48 گھنٹے اچ نگراں وزیر خزانہ دی مدد نال انہاں پیسیں دا انتظام کیتا تے ایں ویلھے پی آئی اے د?? سارے جہاز فلائی کریندے پئن ،ایندے نال ادارے د?? بہتری دا وی پلان اے،اے لسٹڈ کمپنیاں ہن انہاں دی ویلیو ہوندی اے جݙاں ایویں ڳالھیں کیتیاں ونڄن تاں ایندے توں انہاں دی ویلیو متاثر تھیندی اے ۔انہاں آکھیے اساں اڄ جیڑھا کجھ کریندے پیوں ایندا اختیار منتخب حکومت اساکوں ݙے تے ڳئی اے اساں کوئی اختیار اپݨی طرفوں شروع نی کیتا ، ادارے نجکاری دے مختلف مرحلیں توں گزردے پئن ، الیکشن دے حوالے نال وی اعلان تھی ڳئے ہݨ ساݙا کم ایں ویلھے تئیں ایں پراسس کوں چلدے رکھݨا اے ۔
