اسلام آباد۔3اگست (اے پی پی) چیئرمین سینیٹ پاکستان سید یوسف رضا گیلانی نال ایران دے صدر ڈا??ٹر مسعود پزشکیان پارلیمنٹ ہاؤس اسلام آباد وچ ملاقات کیتی۔ سینیٹ سیکرٹریٹ توں جاری بیان موجب چیئرمین سینیٹ ایرانی صدر دا دلوں خیرمقدم کریندے ہوئیں آکھیا جو انہاں دا دورہ پاکستان ݙوہائیں ملکاں وچال دوستی، بھرپی اتے سانجھے تعاون کوں مزید مضبوط کرݨ وچ اہم ثابت تھیسی ۔ملاقات دے دوران چیئرمین سینیٹ صدر پزشکیان کوں اسرائیل دے نال اڄوکے جیڑھے وچ ایران دی تاریخی کامیابی تے مبارخ ݙتی۔ انہاں آکھیا جو پاکستان ساریں توں پہلے ایران دے حق دفاع کوں اقوام متحدہ دے چارٹر دے تحت منیا اتے پاکستانی پارلیمان اسرائیلی جارحیت دے خلاف اتے ایرانی خودمختاری دی حمایت وچ ہک متفقہ قرارداد منظور کیتی۔ چیئرمین سینیٹ ایں ڳالھ تے زور ݙتا جو پاکستان سارے جھیڑیں دا پرامن حل چاہندے اتے جنگ کہیں مسئلے دا حل نئیں۔ انہاں امید ظاہر کیتی جو مشرق وسطیٰ اتے مغربی ایشیا وچ دیرپا امن، استحکام اتے ترقی دا قیام ممکن ہوسی۔انہاں ایرانی پارلیمان وچ صدر پزشکیان دے خطاب دے دوران “تشکر پاکستان” دے نعریں کوں ݙوہائیں ملکاں د?? درمیان ݙاڈھی گھاٹی دوستی دا مظہر قرار ݙتا اتے ایران دے سپریم لیڈر آیت اللہ علی خامنہ ای دی طرفوں مسئلہ جموں و کشمیر تے مسلسل اتے اصولی حمایت تے خراج تحسین پیش کیت??۔م??اقات وچ ݙو طرفہ تعلقات، پارلیمانی تعاون، تجارت، معیشت، ثقافت اتے ݙوجھے شعبیں د?? ودھارے تے تفصیلی ڳالھ مہاڑ کیتی ڳئی۔ چیئرمین سینیٹ پارلیمانی سطح تے رابطیں کوں مزید مضبوط کرݨ دے عزم دا اعادہ کریندے ہوئیں آکھیا جو پاکستان-??یران پارلیمانی فرینڈشپ گروپ قانون سازی وچ تعاون، مسلسل رابطیں اتے عوامی سطح تے رابطیں د?? ودھارے اچ اہم کردار ادا کریندا پئے۔انہاں تعلیمی و ثقافتی رابطیں کوں وسعت ݙیوݨ دی لوڑھ تے وی زور ݙتا تاں جو ݙوہائیں ملکاں د?? عوام دے درمیان باہمی سمجھ اتے خیرسگالی کوں مزید ودھارا ݙتا ونڄ سڳے۔ انہاں ایرانی حکومت دی طرفوں پاکستانی زائرین دے نال چنڳے سلوک اتے مہمان نوازی تے وی شکریہ ادا کیتا۔ چیئرمین سینیٹ یقین ݙیوایا جو ایران ہر اوکھے ویلھے وچ پاکستان دی غیر متزلزل حمایت تے بھروسہ کر سڳدے۔ایرانی صدر ڈا??ٹر مسعود پزشکیان چیئرمین سینیٹ دے خیالات نال اتفاق کریندے ہوئیں ایں ڳالھ تے زور ݙتا جو پاکستان اتے ایران دے تعلقات تاریخی بنیاداں تے قائم ہن جیڑھےسانجھے اعتماد، ثقافتی نیڑے اتے سانجھے مذہبی و تہذیبی ورثے تے مبنی ہن۔ انہاں علاقائی امن، استحکام اتے خوشحالی دے فروغ کیتے مشترکہ کوششاں د?? لوڑھ تے زور ݙتا اتے آکھیا جو ایران پاکستان دے نال تجارت، معیشت اتے سرمایہ کاری سودھے ݙوجھے شعبیں وچ تعاون کوں مزید وسعت ݙیوݨ چاہندے تاں جو ݙوہائیں ملکاں د?? عوام کوں فیدہ تھیوے۔صدر پزشکیان ایران-??سرائیل اڄوکے جھیڑے دے دوران پاکستانی حکومت، پارلیمان اتے عوام دی حمایت تے دلوں شکریہ ادا کیتا اتے آکھیا جو پاکستان دی پارلیمانی قرارداد اتے عوامی یکجہتی قابل تعریف اے اتے حقیقی دوستی دا مظہر اے۔ انہاں ݙوہائیں ملکاں وچال پارلیمانی تعلقات کوں مزید مضبوط کرݨ دی لوڑھ تے زور ݙیندے ہوئیں تعلیمی، ثقافتی اتے عوامی سطح تے تبادلیں د?? ودھارے دی حمایت کیتی۔صدر ایران عالمی امن، باہمی احترام اتے پرامن رل تے رہݨ کیتے ایران دے عزم دا اعادہ کیتا اتے آکھیا جو پاکستان اتے ایران دنیا کوں اے پیغام ݙیوݨ چاہندن جو پائیدار امن دا اصل رستہ ڳالھ مہاڑ، تعاون اتے بھرپی وچ ہے۔ایں اہم ملاقات وچ اسپیکر قومی اسمبلی سردار ایاز صادق، سینیٹر سلیم مانڈوی والا، سینیٹر عرفان صدیقی اتے رکن قومی اسمبلی نوید قمر وی شریک ہن۔
