راولپنڈی۔7مئی (اے پی پی) ڈی جی آئی ایس پی آر لیفٹیننٹ جنرل احمد شریف چوہدری آکھیے جو 6 تے 7 مئی دی وچلی رات بھارتی فوجاں ولوں 6 مختلف جاہیں تے میزائل حملیں دے نتیجے اچ 26 پاکستانی شہری شہید اَتے 46 زخمی تھی ڳئن ۔ ٻُدھ کوں پریس بریفنگ اچ ڈی جی آئی ایس پی آر ݙسائے جو بھارت ولوں لائن آف کنٹرول (ایل او سی) پار بزدلانہ حملے کیتے ڳئن اَتے جاݨ بُجھ تے شہری آبادی اَتے عبادت گاہواں کوں نشانہ بݨایا ڳئے ۔ اے حملے رات دے اَندھارے اچ کیتے ڳئن جئیں دا مرکز ودھ ساریاں مسیتاں اَتے رہݨ دیاں جاہیں ہن، جیڑھا جو مودی حکومت دی انتہا پسندی دی سوچ ظاہر کریندے۔ انہاں ݙسائے جو ایل او سی تے تکھّی بھارتی گولہ باری دے نتیجے اچ ٻئے 5 بندے شہید تھی ڳئن جنہاں اچ ہِک پنج سالہ ٻال وی ??ام?? اے۔ پاکستان دیاں مسلح فوجاں بھارتی جارحیت دا وختی اَتے موثر جواب ݙِتا۔ انہاں آکھیے جو آزاد کشمیر دے او علاقے جنہاں کوں نشانہ بݨایا ڳئے ، اڄوکے ویلھے اچ عالمی میڈیا دورہ کیتا ہئی اَتے بھارتی پروپیگنڈا کوں بے نقاب کیتا ہئی۔ اِنہاں ہی علاقیاں تے حملہ اصل وچ اپݨے کُوڑے بیانیے کوں طاقت دے ذریعے ٹھیک ثابت کرݨ دی ناکام کوشش اے۔ ڈی جی آئی ایس پی آر ݙسائےجو پاک فوج بھارتی جارحیت دا بھرپور جواب ڈِتا اَتے “کئی ساریاں” بھارتی چیک پوسٹاں تباہ کیتیاں۔ ایں موقع تے ہِک بریگیڈ ہیڈکوارٹر دی وڈیو وی ݙکھالی ??ئی جِتھوں بھارت فائر بندی دی خلاف ورزی کیتی ہئی۔ چٹہری، جورہ اَتے سرلیا-1 دیاں چیک پوسٹاں سودھے ہِک یونٹ بٹالین ہیڈکوارٹر ک??ں وی نشانہ بݨِایا ڳئے۔ ڈی جی آئی ایس پی آر تصدیق کیتی جو پاک فضائیہ (پی اے ایف) بھارتی فضائی حملے دی کوشش دے جواب وچ 5 بھارتی جنگی طیارے اَتے ہِک ڈرون مار سٹیے۔ تباہ تھئے طیاریں وچ 3 رافیل، ہِک مگ-29، ہِک ایس یو-30 اَتے ہِک اسرائیلی بݨیا ہویا ہیرون ڈرون ??ام?? ہن۔ انہاں آکھیے جو پی اے ایف چاہندی تاں 10 ت??ں ودھ بھارتی طیارے ڈھا سڳدی ہئی ، پر سمجھداری اَتے سٹریٹجک ضبط و تحمل دا مظاہرہ کیتا ڳئے۔ انہاں دا آکھݨ ہئی جو کوئی پاکستانی طیارہ بھارتی فضائی حدود وچ داخل کائنی تھیا اَتے کوئی بھارتی طیارے کوں ساݙی حدود وچ داخل تھیوݨ دی اجازت کائنی ڈِتی ڳئی۔ انہاں آکھیا جو پاک فضائیہ دے سارے اثاثے جنہاں وچ لڑاکا طیارے اَتے تنصیبات ??ام?? ہن، پُورے محفوظ اَتے فعال ہن۔ ڈی جی آئی ایس پی آر واضح کیتے جو پاکستان دا جواب پُورا دفاعی ہئی اَتے اُ??ں ویلھے ڈِتا ڳئے جَݙاں بھارتی طیاریں پاکستانی فضائی حدود دی خلاف ورزی کرݨ دی کوشش کیتی۔ انہاں ڈسائے جو بھارت نیلم جہلم ہائیڈرو پاور پراجیکٹ دے نیڑے نوشہری ڈیم ک??ں وی نشانہ بݨائے جیندے نال اہم انفراسٹرکچر کوں ضیان پڄے اَتے ہزاراں شہریاں دیاں جاناں خطرے اچ پے ڳیاں۔ انہاں آکھیے جو پاݨی دے ذخیرے کوں نشانہ بݨاوݨ صرف بین الاقوامی قانوناں دی خلاف ورزی کائنی بلکہ ہِک انسانی المیہ وی پیدا کرسڳدے۔ ڈی جی آئی ایس پی آر موجب حملے ویلھے پاکستان دی فضائی حدود وچ 57 بین الاقوامی پروازاں موجود ہن جنہاں وچ ہزاراں مسافر سفر کریندے پئے ہن۔ ایجھے اقدامات بھارتی فوجی منصوبہ بندی دی انتہا پسندی اَتے غیر دانشمندانہ سوچ ظاہر کریندن جئیں وچ انسانی جاناں، عالمی قانوناں اَتے ہوابازی دے ضوابط دی کوئی پروا کائنی کیتی ڳئی۔ انہاں خبردار کیتے جو پاکستان اپݨی خود مختاری دے بچاوݨ دا پُورا حق محفوظ رکھیندے اَتے کوئی وی جارحیت دا فیصلہ کن جواب ݙِتا ویسی۔ ڈی جی آئی ایس پی آر عالمی برادری خاص کر ہوابازی اَتے پاݨی دے حقوق دیاں بین الاقوامی تنظیماں توں اپیل کیتی جو او بھارت دی ایں اشتعال انگیزی دا فوراً نوٹس گھِنّن، جیڑھی جو علاقائی امن اَتے شہریاں دی سلامتی کیتے ہِک سنگین خطرہ اے
